---
title: " ചൂടിൽ ഇരിക്കേണ്ട...! കേരളത്തിൽ വൈദ്യുതി പ്രതിസന്ധിക്ക് താത്കാലിക ആശ്വാസം; ഇന്നും നാളെയും നിയന്ത്രണമില്ല"
english_title: " No Power Cut In Kerala Today KSEB Says Adequate Power Available"
publisher: "truevisionnews.com"
canonical_url: "https://truevisionnews.com/news/384245/ no-power-cut-kerala-today-kseb-adequate-supply-new"
published_at: "2026-09-26T10:40:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6ab75409268c5_no-power-cut-kerala-today-kseb-adequate-supply.jpg"
keywords: ["KSEB", "Kerala Power Cut", "Electricity Supply Kerala", "Electricity Consumption"]
---

#  ചൂടിൽ ഇരിക്കേണ്ട...! കേരളത്തിൽ വൈദ്യുതി പ്രതിസന്ധിക്ക് താത്കാലിക ആശ്വാസം; ഇന്നും നാളെയും നിയന്ത്രണമില്ല

> **Lead Summary:** **തിരുവനന്തപുരം: **സംസ്ഥാനത്ത് ഇന്നും വൈദ്യുതി നിയന്ത്രണം വേണ്ടിവരില്ലെന്ന് കെഎസ്ഇബി. മതിയായ വൈദ്യുതി ലഭിച്ചു തുടങ്ങിയതോടെയാണ് നിയന്ത്രണം ഒഴിവാക്കാനാകുന്നത്. കഴിഞ്ഞ രണ്ട് ദിവസവും സംസ്ഥാനത്ത് വൈദ്യുതി നിയന്ത്രണം വേണ്ടിവന്നിരുന്നില്ല.

## Article Content

**തിരുവനന്തപുരം: **സംസ്ഥാനത്ത് ഇന്നും വൈദ്യുതി നിയന്ത്രണം വേണ്ടിവരില്ലെന്ന് കെഎസ്ഇബി. മതിയായ വൈദ്യുതി ലഭിച്ചു തുടങ്ങിയതോടെയാണ് നിയന്ത്രണം ഒഴിവാക്കാനാകുന്നത്. കഴിഞ്ഞ രണ്ട് ദിവസവും സംസ്ഥാനത്ത് വൈദ്യുതി നിയന്ത്രണം വേണ്ടിവന്നിരുന്നില്ല.

നിലവിൽ ഇന്നും നാളെയും നിയന്ത്രണം ഒഴിവാക്കാനാകുമെന്നാണ് കെഎസ്ഇബിയുടെ വിലയിരുത്തൽ. കേന്ദ്ര വിഹിതമായി 1750 മെഗാവാട്ട് വൈദ്യുതി ലഭിക്കുന്നുണ്ട്. ഇതിന് പുറമെ ദീർഘകാല കരാർ പ്രകാരമുള്ള 670 മെഗാവാട്ട് വൈദ്യുതിയും ലഭിച്ചുതുടങ്ങി. പവർ എക്സ്ചേഞ്ച് വഴിയും ആവശ്യമായ വൈദ്യുതി ലഭ്യമാക്കാനാകുന്ന സാഹചര്യമാണ് നിലവിലുള്ളത്.

റിയൽ ടൈം മാർക്കറ്റിലും ഡേ എഹെഡ് മാർക്കറ്റിലും വൈദ്യുതി ലഭ്യത ഉറപ്പാക്കാൻ കഴിയുന്നുണ്ടെന്നും കെ.എസ്.ഇ.ബി വ്യക്തമാക്കുന്നു. മഴ ശക്തമായതോടെ സംസ്ഥാനത്തെ വൈദ്യുതി ഉപഭോഗത്തിലും കുറവുണ്ടായിട്ടുണ്ട്. അതേസമയം ഉത്തരേന്ത്യയിലെയും മറ്റ് സംസ്ഥാനങ്ങളിലെയും വൈദ്യുതി ആവശ്യകത കുറഞ്ഞതോടെ പവർ എക്സ്ചേഞ്ചിൽ കൂടുതൽ വൈദ്യുതി ലഭ്യമാകുന്നതും കേരളത്തിന് ആശ്വാസമായി.

സെപ്റ്റംബർ 23, 24 തീയതികളിലും ഉയർന്ന ഉപഭോഗത്തിനിടയിലും നിയന്ത്രണം ഒഴിവാക്കാൻ ഇതേ സാഹചര്യം സഹായിച്ചിരുന്നു.എന്നാൽ വൈദ്യുതി പ്രതിസന്ധി പൂർണമായി അവസാനിച്ചെന്ന് ഇപ്പോൾ പറയാനാകില്ല. മറ്റ് സംസ്ഥാനങ്ങളിലെ വൈദ്യുതി ആവശ്യകത വീണ്ടും ഉയർന്നാൽ പവർ എക്സ്ചേഞ്ചിൽ ലഭിക്കുന്ന വൈദ്യുതിയുടെ അളവിനെയും അത് സ്വാധീനിച്ചേക്കാം.

നേരത്തെ കേരളത്തിലെ പീക്ക് സമയത്തെ വൈദ്യുതി ആവശ്യം ഏകദേശം 4,800–5,000 മെഗാവാട്ടായി ഉയർന്നത് പ്രതിസന്ധി രൂക്ഷമാക്കിയിരുന്നു.നിലവിലെ സാഹചര്യത്തിൽ മതിയായ വൈദ്യുതി ലഭിക്കുന്നതിനാൽ നിയന്ത്രണം ഒഴിവാക്കാനാകുന്നുണ്ടെങ്കിലും, വരും ദിവസങ്ങളിലെ മഴയും സംസ്ഥാനത്തെയും മറ്റ് സംസ്ഥാനങ്ങളിലെയും വൈദ്യുതി ആവശ്യകതയും നിർണായകമാകും. ഇന്ന് സംസ്ഥാനത്ത് ഷെഡ്യൂൾ ചെയ്ത വൈദ്യുതി തടസ്സങ്ങളൊന്നും കെഎസ്ഇബി പട്ടികപ്പെടുത്തിയിട്ടില്ല.

English Summary:

KSEB says no power restriction needed in state today as adequate electricity is available. For last two days also no restriction was needed. Assessment is that restriction can be avoided today and tomorrow. 1750 MW from central share and 670 MW through long-term contract is being received. Power is also available through Power Exchange, with availability ensured in real-time market and day-ahead market. Power consumption decreased as rain intensified. Reduction in power demand in North India and other states leading to more availability in power exchange is also relief for Kerala. This situation helped avoid restriction on Sep 23,24 despite high consumption. However, power crisis cannot be said fully over. If demand rises in other states, it will affect power available in exchange. Earlier peak demand in Kerala rose to 4800-5000 MW causing severe crisis. While restriction can be avoided now, rain and power demand in coming days will be crucial. No scheduled power interruptions listed by KSEB today.

### Related Links & Sources
- [Original Story Source](https://truevisionnews.com/news/384245/ no-power-cut-kerala-today-kseb-adequate-supply-new)